ជាក់ស្ដែងនៅខេត្តរតនគិរី ស្រុកអូយ៉ាដាវ ឃុំសេសាន ស្ថិតនៅភូមិ តាមរយះការចុះទស្សនកិច្ចនៅតំបន់នោះ នាថ្ងៃទី៣០ ខែមេសា ដល់ថ្ងៃទី៣ ខែឧសភា ឆ្នាំ២០២៤ ខ្ញុំបានសង្កេតឃើញថាប្រជាជនមានផលលំបាកខ្លាំងបំផុតលើវិស័យសុខាភិបាល ដោយសារតែនៅភូមិភិមិនមានបណ្ឌលសុខភាពនៅជិតតំបន់នោះឡើយ។
នៅពេលដែលពួកគាត់ឈឺថ្កាត់ម្ដងៗពួកគាត់ធ្វើដំណើរឆ្ងាយដើម្បីទៅមណ្ឌលសុខភាពមួយទៀតដែលស្ថិតនៅឃុំសោមធំ។ ម្យ៉ាងវិញទៀតដើម្បីធ្វើដំណើរទៅដល់មណ្ឌលសុខភាពសោមធំបានពួកគាត់ត្រូវឆ្លងទន្លេមួយឈ្មោះថាទន្លេសេសាន។ដើម្បីឆ្លងទន្លេនោះបានពួកគាត់ត្រូវឆ្លងដោយស្រឡាង ប៉ុន្តែអ្វីដែលជាបញ្ហាបន្ថែមទៀតនោះគឺស្រឡាងគេបើកចម្លងមនុស្សចាប់ពីម៉ោង៦ព្រឹករហូតដល់ម៉ោង៧យប់តែប៉ុណ្ណោះ។ដូចនៅពេលដែលប្រជាពលរដ្ឋឈឺថ្កាត់យប់ព្រលប់គឺត្រូវរងចាំដល់ព្រឹកទើបអាចទៅមន្ទីពេទ្យបាន។

ជារួមមកតម្រូវការរបស់ប្រជាជនចង់បានមន្ទីរពេទ្យនៅជិតភូមិ និងមានស្ពានសម្រាប់ឆ្លងកាត់ទន្លេដើម្បីសម្រួលដល់ពួកគា់តនៅពេលឈឺថ្កាត់ផ្សេងៗ។ដូចនេះខ្ញុំសូមស្នើរដល់រដ្ឋាភិបាលក៏ដូចជាអាជ្ញាធរមូលដ្ឋានគួរតែគិតគូរសាងសង់ស្ពាន និងមន្ទីឱ្យនៅជិតពួកគាត់និងមានវិធានការលើកកម្ពស់សុខភាពដល់ប្រជាជនដែលរស់នៅទីនោះ។

១៦/មិថុនា/២០២៤

បច្ចុប្បន្នប្រជាជនបានប្រើប្រាស់នូវថង់ប្លាស្ទិចជាច្រើនក្នុងមួយថ្ងៃៗ ជាពិ​សេសគឺ នៅតាមទីក្រុង ឬនៅតាមទីប្រជុំជន​ដែមានមនុស្សរស់នៅច្រើន។ ហើយនៅកន្លែងខ្លះក៏បានទុកដាក់​បានសមរម្យទៅ ចំណែកកន្លែងខ្លះទៀតក៏បោះចោលពាសវាលពាសកាល ជាក់ស្តែងដូចជានៅតាមទីសា​ធារណៈ។

ដោយមើលឃើញនូវទិដ្ឋភាពបែប​នេះហើយទើបយើងទាំងអស់គ្នាក្នុងនាមជាយុវជន ត្រូវតែ​នាំគ្នាជួយកាត់បន្ថយការប្រើប្រាស់ថង់ប្លាស្ទិចទាំងអស់គ្នា។

នៅក្នងសៀវភៅ “ផែនការអភិវឌ្ឍន៍ទីក្រុងនិរន្ដភាព សម្រាប់រាជធានីភ្នំពេញ ២០១៨-២០៣០” បានលើកឡើងពីការកាត់បន្ថយការប្រើប្រាស់ប្លា​ស្ទិច ដោយអនុវត្តន៍នូវគោលការ ៤R៖ កាត់បន្ថយ (reduce) ប្រើប្រាស់ឡើងវិញ (reuse) ជួសជុល (repair) កែច្នៃឡើងវិញ (recycle) ។

ក្នុងការកាត់បន្ថយប្លាស្ទិច ដោយការមកប្រើរបស់ដែលអាចយកមកប្រើបានច្រើនដង និងបានយូរ មានដូចជាប្រើប្រាស់ប្រអប់ ឬវត្ថុជំនួសថង់ប្លាស្ទិកដើម្បីវេចខ្ចប់អាហារ ទិញសម្ភារៈ នានាដោយប្រើកន្ត្រក ចានស្រាក់ កាត់បន្ថយការទិញកាហ្វេ ឬភេសជ្ជៈដោយដាក់កែវប្លាស្ទិច ងាកមកដាក់ កែវដែលធ្វើពីដែកអ៊ីណុក និងបំពង់បឺតដែលធ្វើឡើងពីក្រដាស់ ឬ បំពង់ឬស្សី។ កត្តាទាំងអស់នេះហើយដែលអាចឲ្យយើងចូលរួមកាត់បន្ថយការប្រើប្រាស់ប្លាស្ទិក។

ទីក្រុងស្អាត បរិស្ថានល្អ ផ្តើមចេញពីពួកយើងទាំងអស់គ្នា។