បញ្ហាផ្លូវថ្នល់ខូចខាត បានក្លាយជាក្តីកង្វល់ដល់អ្នកធ្វើដំណើរទាំងឡាយមិនថានៅតាមបណ្តាខេត្ត ក៏ដូចជានៅក្នុងរាជធានីភ្នំពេញ ។ ប្រជាពលរដ្ឋដែលជាអ្នកដំណើរភាគច្រើន តែងមានការត្អូញត្អែរនៅពេលដែលពួកគាត់ជួបការលំបាក ឬក៏បញ្ហាផ្សេង ដែលបណ្តាលមកពីកត្តាផ្លូវ នៅពេលពួកគាត់ធ្វើដំណើរទៅណាម្តង់ៗ ។ ជាក់ស្តែងយើងឃើញមានផ្លូវមួយចំនួនក្នុងរាជធានីភ្នំពេញក៏រងនៅការខូចខាតផងដែរ ជាពិសេសនៅម្តំរង្វង់មូលទួលគោក ។ លោក ហ៊ុយ គីរី អាយុ ៣៨ឆ្នាំ ជាអ្នករត់តុតុនៅម្ដុំរង្វង់មូលទូលគោក បានរៀបរាប់ អំពីស្ថានភាពផ្លូវថ្នល់ថា មានភាពបាក់បែកជាងកន្លះឆ្នាំហើយ ពុំទាន់ឃើញមានមន្ត្រី សាធារណៈការមកធ្វើការជុសជុលនោះទេ បន្ទាប់ពីមានការជុសជុលជាញឹកញាប់តែ វានៅតែបន្តបាក់បែក។ លោកបានលើកឡើងពីមូលហេតុថា៖ «ការជុសជុលផ្លូវថ្នល់កន្លងទៅហាក់មិនមានប្រសិទ្ធិភាព គ្រប់លក្ខណៈស្ដង់ដា និងផ្លូវមានទឹកដក់ជាំយូរ ពេលមានភ្លៀងម្តង់ៗ ហើយនៅពេលដែលឡាន ឫម៉ូតូបើកយូរៗទៅវាខូចដដែល»។ លោកគីរី ដែលប្រកបមុខរបរជាអ្នករត់តុតុជាង១០ឆ្នាំរូបនេះ ចង់អោយមន្រ្តី សាធារណៈការ និងមន្ត្រីពាក់ព័ន្ធផ្នែកផ្លូវថ្នល់ជួយពិនិត្យ និងជួសជុលឡើងវិញ។ លោកបន្តថា៖ «ពេលភ្លៀងលិចរណ្ដៅ ប្រជាពលរដ្ឋដែលធ្វើដំណើរអាចនឹងមាន គ្រោះថ្នាក់ ជាក់ស្ដែងក្នុងមួយថ្ងៃមាន១នាក់ ទៅ២នាក់ ដែលមានគ្រោះថ្នាក់ព្រោះមិនដឹងថាមានរណ្ដៅ ចឹងប្រជាពលរដ្ឋដែលធ្វើដំណើរនៅតាមដងផ្លូវសូមប្រុងប្រយ័ត្ន និងអាជ្ញាធរដែនដីគួរពិនិត្យ និងធ្វើឡើងវិញ»។ ស្ថិតក្នុងវ័យ៤១ឆ្នាំ សុំមិនបញ្ចេញឈ្មោះ ជាអ្នករត់ម៉ូតូឌុបជិត១០ឆ្នាំនៅក្បែររង្វង់មូល ទួលគោក ក្បែរការ៉ាសសាំងសូគីមិចបាននិយាយថា «ផ្លូវនេះខូចជាង៧ខែមកហើយ ពុំឃើញមានអ្នកមកជុសជុលអីទេ។ លោកថាពីមុនសាលាក្រុងធ្លាប់ជុសជុលផ្លូវ ថ្នល់នេះដែរ តែពុំមានប្រសិទ្ធិភាព។ សំបុរខ្មៅ មាឌធំមាំ សក់ខ្លី ហើយមើលទៅហាក់ ហត់នឿយបន្តិច លោកបានបញ្ជាក់ថាការជុសជុលកន្លងមកពុំមានគុណភាព ពុំរឹងមាំ ឃើញតែជួសជុលរហូតហ្នឹង ជាពិសេសផ្លូវ៦០៨ និងផ្លូវ៥៩២ ជុសជុលបានមួយរយះ ពេលខ្លីខូចឡើងវិញអស់»។ លោកបន្តថា ក្នុងនាមជាប្រជាពលរដ្ឋចង់បានផ្លូវល្អ និងកុំអោយមានគ្រោះថ្នាក់ចរាចរណ៍។ ជុំវិញផលវិបាកនៃវិថីដែលកំពុងរងការ ខូចខាតនេះ លោកបាននិយាយថា វាបង្កផលលំបាកជាច្រើនដូចជា កកស្ទះ ចរាចរណ៍បង្កអោយមានគ្រោះថ្នាក់ចរាចរណ៍ជាញឹកញាប់ បណ្ដាលអោយខាត់បង់ ពេលវេលានិងធ្វើអោយប៉ះពាល់ដល់សោភ័ណ្ឌភាពទីក្រុងថែមទៀតផង។ ជាសំណូមពររបស់ប្រជាពលរដ្ឋចង់អោយសាលាក្រុង មន្ទីរពាក់ព័ន្ធ ក៍ដូចជារាជរដ្ឋាភិបាលជួយ ដោះស្រាយបញ្ហាផ្លូវខូចនេះអោយបានឆាប់ៗ ដើម្បីសម្រួលដល់អ្នកដំណើរទាំង ឡាយដែលឆ្លង់កាត់ផ្លូវនេះ ក៏ដូចជាបង្កើនសោភណ្ឌភាព និងសណ្តាប់ធ្នាប់ល្អដល់ ទីក្រុង ៕
ឆ្លើយតប